El Regato ikastetxeko Batxilergo Teknologikoko 10 ikaslek osatzen dute WSTA -Women’s Space Technology Agency- lantaldea, eta 2019ko First Lego League lehiaketan hartu dute parte.
WSTA taldeak ELEKTROJANTZI berritzaile bat garatu eta aurkeztu zuen. Zehazki, bigarren larruazal gisa balio duen jantzi bat da, gorputzeko puntu jakin batzuetan elektrodo batzuk dituena. Bateria ateragarri baten bitartez, barrualdeko giharrak estimulatzen ditu, eta, hala, mikrograbitateak hezur- eta gihar-masan duen eragina apaltzen da.
13 panel dauzka erakusketak. Horietatik 3, sarrera-panelak dira, eta gainontzekoak, berriz, taldekideak aurkeztekoak. Paneletan, STEAM eremuarekiko interes goiztiarraz hitz egiten digute, bai eta azaltzen ere bokazioa nola sortu zitzaien, ikasketak nola egin nahi dituzten, zein lanbide izan nahiko luketen eta nola erabaki zuten WSTA taldean parte hartzea. Esperientzia horrek maila pertsonalean ekarri diena eta bokazioa bideratzeko zeinen lagungarria izan den partekatzen dute.
Datak: azaroaren 2tik 14ra
Tokia: Gurutzetako Zentro Zibikoko erakusketa aretoa
Ordutegia:
Astelehenetik ostiralera: 09:00-14:00 eta 16:00-21:00
Larunbatetan: 10:00-14:00 eta 17:00-21:00
Sarrera librea, edukiera bete arte.