Zientzia Astea da Universidad del País Vasco/Euskal Herriko Unibertsitateak antolatzen duen Zientzia, Teknologia eta Berrikuntzaren Astea. Ingurunea ulertzeko irrika duten guztiei dago zuzenduta, gazte, heldu, haur eta nerabeei, egunero zientzian dihardutenekin zientzia ikusi, entzun, sentitu eta hartaz haritzeko aukera izan dezaten.
Tailerrak, zientzia txokoak, ibilbide didaktikoak, erakusketak, lehiaketak, eta askoz gehiago aurkituko dituzu antolatutako on-line edizioan, azaroaren 6tik 8ra.
Aurten, COVID-19aren urtea den honetan, zientziak eta berrikuntzak protagonismo handia izan dutelakoan gaude, beraz, ezin genion muzin egin urteroko hitzorduari. Bide berriak probatu ditugu, eta irudimena baliatu dugu zientzia gizartera eramateko berriro ere, edonork gozatu ahal izan dezan hartaz. Eta modu seguruan eta arduratsuan egiteko, aurtengoan formatu birtualaz baliatuko gara.
Irrika eta ondo pasatzeko gogoa besterik ez da behar. Egon ziur; harrigarria irudituko zaizu zientzia, eta haren gainean duzun iritzia zeharo aldatuko da. Botanika, matematikak, arkeologia, astronomia, genetika eta kirola, geologia, kimika, telekomunikazioak, robotika, historia, dendrokronologia, ingeniaritza, pintura, fisika, lengoaia, biologia… Horietan guztietan, eta gehiagotan ere bai, egin ahalko dituzu esperimentu praktikoak Zientzia Astean.
Konektatu eta ikusi, esperimentatu, eta ezagutu hemen, zure etxetik hurbil, Universidad del País Vasco/Euskal Herriko Unibertsitatean egiten diren ikerketak. Zientzian eta ikerketan diharduten pertsonekin konektatu ahalko duzu, eta zalantzak argitu, eta ikasi. Adina edozein dela ere, ziur kontu interesgarri eta harrigarriren bat topatuko duzula. Ez duzu aitzakiarik.
Zain gaituzu!