Nerbioi itsasadarrarekin lotutako materialik badago, hori burdina da. Zugaztietako meatzeetatik Zubi Esekiraino, Sestaoko Ontzioletatik edo Bizkaiko Labe Garaietatik pasatuz, industrializazio-prozesuaren eragile nagusia izan zen.
Baina burdina meaz betetako orgak eta fundizio gori-goriak baino askoz ere gehiago da. Elementu kimiko hori behar-beharrezkoa izan zen gure arbasoek Santimamiñeko kobetan beren aztarnak uzteko, edo euskal eskultura eskola garatzen hasi ahal izateko XX. mendearen bigarren erdian.
Burdinaren historia artearen historia da. Hitzaldi honetan, aipatu metal honek pigmentuetan, zeramikan, estatuetan, arkitekturan eta, jakina, industria-ondarean dituen erabilerak aztertuko ditugu.
Hizlaria: Oskar González Mendia, Kimikan doktorea, UPV/EHUko Zientzia eta Teknologia eta Arte Ederretako Fakultateko irakaslea eta dibulgatzaile zientifikoa.
Data: azaroak 4, asteazkena
Ordua: 19:00
Lekua: Clara Campoamor Zentro Zibikoko hitzaldi aretoa
Hizkuntza: gaztelania
Iraupena: 60 min
Nori zuzenduta: adin guztietako jendeari
*Leku mugatua, inskripzioa egitea beharrezkoa da.
Urriaren 30etik aurrera. Telefonoz: 944789552 / 944789485 edo E-postaz: ccclaracampoamorservicios@barakaldo.eus (Adierazi: jarduera, izena, abizenak, NANa eta telefonoa)
Streaming-ean ere jarraitu ahal izango da