ERAKUSKETA
Zientzia astearen XX. edizio honetan, Kultura Zientifikoaren Katedrarekin eta Itsamuseumarekin lankidetzan, Bilboko itsasadarrari bere zena ematen dioten ondare naturala, teknologikoa, kulturala eta soziala aldarrikatu nahi dira.
Bai, halaxe da! Ibaizabal itsasadarra izan da, zalantzarik gabe, XIX. mendetik gaur egunera arteko garapen ekonomiko eta giza-garapenaren ardatza. Garapen hori, neurri handi batean zientzia eta teknologiari esker gertatu da. Itsasadarrak, bereziki, meatzaritzaren, burdingintzaren eta ontziolen agerraldi eta loraldia ahalbidetu zituen.
Itsasadarrak, bere ingurua eraldatzeaz gain, berak ere aldaketa handiak izan ditu askotariko elkarreragin eta jardueren ondorioz. Horiek bertako fauna eta floran, bai eta ekosistema dinamiko honetako beste bizitza forma batzuetan ere, eragina izan dute.
Kontu hauei eta beste batzuei buruzko informazio zehatza eta zorrotza aurki dezakezu erakusketa honetan. Bilboko itsasadarrari buruz gehiago jakin nahi duzula? Ez ezazu gal orduan “Ibaizabal itsasadarra Zientziak eta Teknologiak ikusita” erakusketa
Datak: azaroaren 2tik 14ra
Tokia: Clara Campoamor Zentro Zibikoko erakusketa aretoa
Ordutegia:
Astelehenetik ostiralera: 09:00-14:00 eta 16:00-21:00
Larunbatetan: 10:00-14:00 eta 17:00-21:00
Sarrera librea, edukiera bete arte.
Lagina osatzen duten infografiak bisita birtualeko esteka honetan ikus daitezke
ZIENTZIA ASTEAN JOLASTUZ IKASTEN
Eta Zientzia Astearen berritasun gisa, Hezkuntza Fakultateko ikasle eta irakasleek gure ingurunea gertutik ezagutzeko beren proiektu pedagogikoa aurkezten dute: ZIENTZIA ASTEAN JOLASTUZ IKASTEN. Webgune interaktiboa, joko kooperatibo eta digitalekin, ikasleen gaitasun zientifikoa garatzen laguntzea eta gazteenen artean bokazio zientifikoak sustatzea helburu duena.
Prest al zaude abentura hau bizitzeko?
https://www.xxzientziaasteanjolastuzikasten.org/