Ba al dago hizkuntza txikirik? Eta hiztun txikirik? “Txikitasun” hori egiatan ote da txikitasun? Tailer honetan, batetik, hizkuntza-aniztasunaren eta hizkuntzen tamainaren inguruan gizartean dauden aurreiritzi batzuk ezbaian jarriko ditugu. Bestetik, “hiztun txiki” kontzeptuarekin ere zalantzan jarriko ditugu hizkuntza ikasteari buruzko zenbait uste. Hasteko, adinez “txikiak” direnek edota hizkuntzarekin esperientzia urria duten hiztunek, ematen dutena baino hizkuntza-ezagutza handiagoa dutela erakutsiko dugu. Hurrena, “txikitasun” horri lotuta, hizkuntzarekin esperientzia osoa ez duten edota hizkuntza-arazoak dituzten hiztunen inguruan ere jardungo dugu. Partehartzaileek hizkuntzaren eta elebitasunaren gainean hausnartzea da tailer honen helburua, jolas modura, ELEBILAB laborategian ikerketan erabili ohi diren ikerketa-modu batzuekin zuzenean esperimentatuaz.
Jarduera mota: Tailerra
Egoitza: Bilbo