Aurten, bizi dugun egoerak mugatu du erakusketak bisitatzera joatea. Hala ere, ez dugu amorerik eman eta txoko baten bidez erakusketa honen edukia ekartzen dizugu, egunez egun ingurumena zaintzeko egin ditzakegun ekintzen berri ematen diguna, alegia. Panel desberdinen bidez, edonork etxean eta bere eguneroko bizitzan ezar ditzakeen informazio eta aholku praktiko eta errazak eskaintzen dizkigu. Besteak beste, birziklapena, aztarna ekologikoa, hondakin geldoen kudeaketa edo energiaren erabilera eraginkorra egiteko moduko gaiak jorratzen ditu.
Garaia da ohiturak aldatu eta gure ingurunea zaintzen hasteko!