| Lekua: Clara Campoamor Zentro Zibikoa. Auditorioa Data: azaroaren 9a, osteguna, 19:00 Iraupena: 90 minutu Izen-ematea: Ez da aldez aurretik izena eman behar. Sarrera librea edukiera bete arte |
Umorea, eta jakina, zientzia asko. Horiek dira Zientzia Club formularen osagai nagusiak. 2014ko Zientzia Astean izan zen estreinaldia eta ordutik arrakasta ziurtatuta dago urtero. Baina, zer da zehazki Zientzia Club? UPV/EHUko ikertzaileek ikuskizuneko egileak eta protagonistak dira. Bakarrizketa bat izan daiteke, solasaldi bat, ikuskizun bat, edo horien guztien arteko nahasketa ezin hobea. Xedea da beren ikerketak edo gaurkotasun-gaiak azaltzea.
Zientzia eta UPV/EHUn egiten den ikerketa-lana zabaltzeko era dibertigarria, dudarik gabe.
Zizare baten burmuina
Ibon Cancio
| Hizkuntza: euskara Publikoa: guztientzat |
Monologoan itsas bailiabide biologikoak aitzakitzat hartuta kontatuko dut zergatik “zizare baten burmuina” dugula aurpegiratzen zaigunean, ez da kontuan hartzen itsas zizareak neurozientziei egin diezaioketen ekarria. Zer ikasi dezakegu Platynereis zizarearen nerbio-sitematik gure burmuina ulertzeko lagungarri izango zaiguna? Nahikotxo!!!
Zergaitik txakurrek hankarteak usaintzen dituzte?
Ainhoa Isla Lopez
| Hizkuntza: euskara Publikoa: guztientzat |
Bakarrizketa honen helburua da, giro lasai batean, entzuleek txakurren usaimen ahalmenaren berri jakitea. Horretarako usainekin jolastuko dugu, kimikako kontzeptu basiko batzuk bereganatuz.
Ez duzu ikusten? Nola ikusten duzu? Ba, ikusi…
Esteban Jacob Taquet
| Hizkuntza: gaztelania Publikoa: guztientzat |
Begiaz eta ikusmenaz hitz egingo dut. Optika ezagutzaren adar oso interesgarria da, eta hainbat alderdi ditu. Begia hain tresna optiko perfektua denez, Darwinek bere eboluzioaren teoria bera ere zalantzan jarri zuen. Ikusmenaren oinarrizko printzipio optikoak sinpleak dira, baina garuna nahasten da, eta horrek nahastu egiten gaitu ikusten duguna ulertzeko unean. Askotan laguntzen digun arren, beste askotan engainatu egiten gaitu. Horri buruz hausnartuko dugu.
Mugitzen garena gara?
Leyre Gravina Alfonso
| Hizkuntza: gaztelania Publikoa: publiko heldua |
Jarduera fisikoari, elikadurari eta jasangarritasunean eta planetan duen eraginari buruzko bakarrizketa. Gai horiek umorez lantzen dira, ikus-entzuleek eguneroko ohiturak, arruntak izateaz gain, barregarriak ere izan daitezkeela hausnartzeko. Hori bai, planetaren osasunari argi eta garbi eragiten diotenez, parte-hartzaileek hausnartuko dute gure mundua ez ezik, gure osasuna ere hobetzeko.
Eiffel Dorre txiki bat nahi duzu? Nik inprimatuko dizut
Daniel Estevez Caro
| Hizkuntza: gaztelania Publikoa: publiko heldua |
Inoiz pentsatu duzu nola funtzionatzen duten 3D inprimagailuek, edo zertarako erabil daitezke? Pentsatu al duzu inoiz fabrikazio-teknika honekin zer lor daitekeen? Hitzaldi honetan saiatuko naiz galdera hauei modu atsegin eta dibertigarrian erantzuten, mundu interesgarri honetara hurbiltzeko aukera emanez.
Gizakia animalia bat da…
Iker Badiola Etxaburu
| Hizkuntza: euskara Publikoa: guztientzat |
“Gizakia animalia bat da…”. Esaldi hau amaitu gabe dago, eta hortik abiatuta, bakarrizketa honen egilea XXI. mendeko gizakien ongizatearekin eta bizi-kalitatearekin lotutako hainbat hausnarketa plazaratzen saiatuko da.
Jupiter, heroia ala bilaua?
Naiara Barrado
| Hizkuntza: euskara Publikoa: guztientzat |
Gauza asko ezagutzen ditugu Jupiterri buruz ideario orokorrean daudenak, baina beste asko ez dira ezagutzen, eta beste asko, ezta “gaiaz dakigunok” ere ez dakigu. Bestalde, gauza batzuk ezagutzen ditugula uste dugu, baina agian ez dira egiazkoak. Adibidez, nahiko zabalduta dago Jupiter dela gure aterki kosmikoa, baina hala al da, benetan?