| Lekua: Bizkaia Aretoa. Mitxelena Auditorioa Data: 2023ko azaroaren 11 (larunbata), 19:00 Iraupena: 60 minutu Sarrera librea lekua bete arte (400 lagun) |
Umorea, eta jakina, zientzia asko. Horiek dira Zientzia Club formularen osagai nagusiak. 2014ko Zientzia Astean izan zen estreinaldia eta ordutik arrakasta ziurtatuta dago urtero. Baina, zer da zehazki Zientzia Club? UPV/EHUko ikertzaileek ikuskizuneko egileak eta protagonistak dira. Bakarrizketa bat izan daiteke, solasaldi bat, ikuskizun bat, edo horien guztien arteko nahasketa ezin hobea. Xedea da beren ikerketak edo gaurkotasun-gaiak azaltzea.
Zientzia eta UPV/EHUn egiten den ikerketa-lana zabaltzeko era dibertigarria, dudarik gabe.
Aurten honako bakarrizketa hauek izango ditugu:
Mugitzen garena gara?
Leyre Gravina Alfonso
| Hikuntza: gaztelania Publikoa: publiko heldua |
Jarduera fisikoari, elikadurari eta jasangarritasunean eta planetan duen eraginari buruzko bakarrizketa. Gai horiek umorez lantzen dira, ikus-entzuleek eguneroko ohiturak, arruntak izateaz gain, barregarriak ere izan daitezkeela hausnartzeko. Hori bai, planetaren osasunari argi eta garbi eragiten diotenez, parte-hartzaileek hausnartuko dute gure mundua ez ezik, gure osasuna ere hobetzeko.
Plastikoa, aingerua ala deabrua?
Iván Álvarez Arguiñano
| Hikuntza: euskara Publikoa: guztientzat |
Paperezko edo oihalezko poltsak plastikozkoak baino ekologikoagoak dira, ezta?
Agian ez dago hain argi. Bakarrizketa honetan poltsa mota desberdinen inpaktu ekologikoa alderatuko dugu eta planetaren osasunean duten eragina deskubrituko dugu.
El arte de cuidar
Maitane Alonso Monasterio
| Hizkuntza: euskara Publikoa: guztientzat |
III Geology Rocks
Blanca Martínez García
| Hizkuntza: gaztelania Publikoa: guztientzat |
Opera rock formatua jorratzen duen bakarrizketa geologiko honetan, Lurraren Zientziei buruzko oinarrizko ezagutza batzuk transmitituko dira heavy metaleko abesti ezagunak bertsioak eginez. Zuzeneko musikarekin girotuta, parte-hartzaileekiko interakzioa funtsezkoa da: jendea emanaldian sartzeak Geologiaren kontzeptu sinple baina oinarrizkoak finkatzea eta buruz ikastea errazten du, ezagutza zuzenean eta eraginkortasunez transmitituz. Horrek hezkuntza zientifikoa eta biztanleriaren espiritu kritikoa areagotzea eragiten du formatu hurbil eta informal baten bidez. Bakarrizketa honetan, Geologia zientzia interesgarri eta atsegin gisa agertuko da, eta, aldi berean, beharrezkoa gizartearen garapenerako. Gainera, azterketa eta ikerketa geologikoak nola egiten diren erakutsiko diogu publikoari, eta nabarmenduko dugu iragana ezagutzearen garrantzia etorkizunak ekarriko dizkigun ingurumen-aldaketen aurrean egokitzapen-irtenbide eraginkorrak planteatu ahal izateko.
I want to break Free
Bittor Rodríguez Rivera
| Hikuntza: euskara, gaztelania Publikoa: guztientzat |
Freddy Mercury bezala karakterizatua, elikagaiek “zerbait izan behar zutela” (omega 3, oliba-olioa, bitaminak, mineralak, fitoesterolak…) aipatu ondoren heldu den moda berria deskribatuko dut. Kontua da orain “ez dutela ezer izan behar” (laktosa, glutena, kontserbatzaileak, koloratzaileak, pestizidak…). “FREE FROM FOOD” edo “Free” elikagaien moda da.
Queen taldeko abestiez lagunduta eta ironiaz, sarkasmoaz eta umorearen laguntzaz, moda berri honen egiak, bitxikeriak eta zentzugabekeriak azalduko ditut.
Ez duzu ikusten? Nola ikusten duzu? Ba, ikusi…
Esteban Jacob Taquet
| Hizkuntza: gaztelania Publikoa: guztientzat |
Begiaz eta ikusmenaz hitz egingo dut. Optika ezagutzaren adar oso interesgarria da, eta hainbat alderdi ditu. Begia hain tresna optiko perfektua denez, Darwinek bere eboluzioaren teoria bera ere zalantzan jarri zuen. Ikusmenaren oinarrizko printzipio optikoak sinpleak dira, baina garuna nahasten da, eta horrek nahastu egiten gaitu ikusten duguna ulertzeko unean. Askotan laguntzen digun arren, beste askotan engainatu egiten gaitu. Horri buruz hausnartuko dugu.
Zizare baten burmuina
Ibon Cancio
| Hizkuntza: euskara, gaztelania Publikoa: guztientzat |
Monologoan itsas bailiabide biologikoak aitzakitzat hartuta kontatuko dut zergatik “zizare baten burmuina” dugula aurpegiratzen zaigunean, ez da kontuan hartzen itsas zizareak neurozientziei egin diezaioketen ekarria. Zer ikasi dezakegu Platynereis zizarearen nerbio-sitematik gure burmuina ulertzeko lagungarri izango zaiguna? Nahikotxo!